Z Wettige sind hüt am frühe Morge Lüt verwached, wil si Schüss gehört hend. Gfalle sind si ennet de Limmig, z Ännetwettige.
D Kapo Aargau het bestätiged, dass es am Morge vom 7. September 2024 z Ännetwettige zueme Grossiisatz cho isch. Nach eme Striit zwüsche zwöi Manner sind in de Nöchi vom Hotel Linde Schüss gfalle. D Polizei het en verletzte Maa vorgfunde, wo ins Spital brochd worde isch. Es hend sich schnell Hiwiis uf de muetmasslich Täter ergeh, wo in de Nöchi vo sim Wohnort het verhaftet werde chönne. D Melligerstrass isch während em Iisatz und d Spruesicherig gperrt worde.