Wotsch du wüsse, wies inere Prob vo de Harmonie Wettige-Chloster (HWK) so zue und her gat? Oder würds dich sogar gluschte, zum sälber einisch mitspele? Denn nütz die Glägeheit und chom am Zischtig, 3. Septämber 2024 zu ois id Prob. Mir Probed am Obig am 8i i de Aula vo de Heilpädagogische Schuel (HPS) a de Staffelstross 91 in Wettige. Mitbring muesch nome dis Instrumänt (bitte Amälde über info@hwk.ch demit mir au grad Note für dich chönd vorbereite) oder wend nor wetsch cho zuelose eifach gueti Luune.
Nach de Prob so öppe am 9i halbi 10ni giz den no en gmüetliche Apéro wo du dich mit de Musikantinne, Musikante und em Dirigänt chasch ustuusche. Gern werded dänn au Frage beantwortet und Aregige entgäge gno. Reservier dir drum de 3. September und chom verbi und lern d’HWK känne.
Mir froied ois uf ganz vel noii oder aber au altbekannti Gsichter!
Witeri Infos findsch uf www.hwk.ch oder uf oisem Facebook-Profil www.facebook.com/harmoniewettingenkloster