Am Donnschtig, 21. März 2024 het de Handels- und Gwerbverband Wettige (HGV) sini 96. Generalversammlig gha. Au mir vo de Wettiger Nochrichte sind sit eme Johr Mitglied.
D GV vom HGV het sich nach em Apéro em gschäftliche Teil gwidmet. Vo de 123 Teilnehmer sind 93 Stimmberechtigti gsi, wo d Gschäft speditiv behandled hend. D Jahresrechnig het statt mit eme Verlust mit eme chline Überschuss abgschlosse. Es witers wichtigs Traktandum isch de Wahl vom Vorstand gsi. Abgseh vo de Nathalie Hauri, wo nüm kandidiert het, sind alli bisherige widergwählt worde, mit de bisherige Co-Prädidente, em Stefan Biedermann und em Fritz Krähenbühl. Noi in de Vorstand gwählt worde sind d Alice Gartner und d Manuela Surateau. Au d Noimitglieder, wo hend welle, hend sich chönne vorstelle. D Chance hend lang ned alli gnutzt, aber bi 21 Noimitglieder wärs schuscht au lang gange. Nach em gschäftliche Teil hets dann es feins Znacht geh.