Am 23. Dezember 2023 isch de Clemens Ramsperger gstorbe. Er isch fascht 20 Johr Pfarrer vo de Pfarrei St. Sebastian gsi.
De Clemens Ramsperger wird vile Mensche z Wettige in gueter Erinnerig bliibe. Vo 1977 bis 1996 isch er Pfarrer z Wettige gsi, aber het au danach no vili Dienscht z Wettige übernoh, u.a. jahrelang Messe im St. Bernhard gfiired. S St. Bernhard isch au de Ort gsi, wo er di letschte Ziit vo sim Lebe verbrocht und wo er am 23. Dezember 2023, en Tag nach sim 94. Geburtstag, friedlich iigschlofe isch.
Uf d Wält cho isch de Clemens Ramsperger am 22. Dezember 1929 z Ettehuse im Thurgau und isch am 1. Juli 1955 z Soledurn zum Priedter gweiht worde.
Vom 1955 bis 1959 isch er Vikar in de Pfarrei St. Clara z Basel gsi und vo 1959 bis 1965 Kaplan in de Pfarrei St. Ulrich und Afra z Kreuzlinge gsi. Vo 1965 bis 1974 isch er dann Pfarrer in der Pfarrei St. Niklaus z Rinach im Baselbiet gsi. Vo 1974 bis 1977 isch er dann wider im Thurgau gsi, als Pfarrer in de Pfarrei St. Nikolaus z Frauefeld.
In 1977 isch er dann auf Wettige cho, wo er au nach sinere Ziit als Pfarrer vo St. Sebastian glebt het. Gschaffed het er vo 1996 bis 2007 au no als Spital- und Heimseelsorger z Niederwil.
D Beerdigung isch am 5. Januar 2024, um 10i am Vormittag in de Chile St. Sebastian mit aaschlüssender Bisetzig im Priestergrab bi de Chile.