Mit numme einere Stimm Unterschied het de Iiwohnerrot am letschte Donnschtig d Umzonig von de Spezialzone «Berg» abglehnt. D Margrit Wahrstätter, ehemaligi Schulleiteri vo de HPS, het gege den Entscheid s Referendum ergriffe.
Scho vor de Abstimmig im Iiwohnerrot het d Umzonig an Lägerehang viel z rede geh. Z churz cho isch dodebi hüfig de Blick auf di, wo das therapeutische Rite und andere Therapie mit Tier bruuched. Das sind Mönsche, wo bi de ARWO läbed, Schüeler vo de HPS und anderi Mönsche mit ere Beiträchtigung. Vo all dene, sind jetzt d Therapieplätz gfährded.
D Margrit Wahrstätter, pensionierti Schulleiteri vo de HPS, wo als Iiwohnerrötin vergebens appelliert het, die Betroffene bi de Diskussion ned z vergässe, het jetzt s Referendum gegen de ablehnend Entscheid vom Iiwohnerrot ergriffe. Bis Mitti Oktober muess si öppe 650 Unterschrifte vo Stimmberechtigte Wettiger sammle. Unterstützt wird si dodebi auf jede Fall vo de EVP.