Aktuell findet de Ufbau vom langersehnte Wettiger-Fäscht statt. Wer aktuell de Fäschtplan studiert, stellt fest es esch einiges andersch. (ned nume wege de Cointainer uf em Sportplatz)
Das Johr tönts us en einte Zelt uf en rote Platz nümm nach Flamengo und schmöckt nümm nach Sangria und Calemares-Ringli, veel meh werds nach Rave-On töne… wie au immer das tönt. An anderer Stell wird kei Rockband meh uftrette und meh cha keis Chübeli Bier und en feine Pouletschenkel vom Grill meh bstelle. Nei, det geds feini Aperoplätli med Wettiger Wy vome andere Stern, med DJ und Musik ab de Konserve als unterhaltig.
Ja, s Wettiger-Fäscht veränderte sech das Johr weder mol es bizeli meh! Au ghört mer vo alt igsessene Vereine, dass drüber abgstumme worde esch, ob mer no söll teilnäh oder ned. Anderi Verein bringed med Müeh und Not Ihres traditions Getränk as Fäscht, obwohl de Fäschtwirt kei Freud dra hed… au s traditionelle Open-Air chond das Johr anderscht daher… ja, so es Fäscht brucht veel Unterstützig vo allne! Ohni de Power chas so es Fäscht nümmm uf die alte Traditione hoffe, so werds den in Zuekunft hald kei Pizza meh gä zum z Nacht oder z Mittag, sondern Burger, Hot-Dog oder ebe süsch so Schnell’s-Esse uf Rädli…
So wünsch ich Allne es schöns Züri-Fäscht=;O)