Im Auguscht 2022 esch inere Petition vo ere Anwohnerin vo de Schartestross gwünscht worde, die uf Tempo30 z reduziere. D Schartestross esch eini vo de veelbefahrendste Strosse vo de Gmeind.
Insgesamt esch die Petiton vo 251 Persone unterstütz worde. Au de Gmeindrot unterstützt d Forderig vo meh Sicherheit uf de Komunale-Strosse.
Wer jetzt aktuell uf de Scharte-Stross fahrt, hed sicher gmerkt, dass öppis am Laufe esch, au uf de Ännetwettiger Site. Zom eine send Markierige entfernt worde und zom ander send Markierige dezue cho. So wird jetzt aktuell i gwüsse Abständ «Zone 30» uf Stroos gmoled!
Ob das de gwünschti Effekt vo meh Sicherheit bringt wird sech zeige, zumal med 30 es echt schwirig wird ame Velo verbi z cho. Lueged mer mol wie lang de Stau i naher Zuekunft wird werde uf de Landstross oder uf de andere «Schlichweg»!