Wettige werd zor Musical-City!

Am 20igste April gods los med em Musical «Copyright Girl» im ehemalige Kino Elite z Wettige.
Es spielt i de 1920er Johr. Debii gods um Drü Jugendlichi wo useme schwizerische Bergdorf ime vergilbte Comic, s Traumland Amerika entdecked. Das führt die Drü zo de Idee, uf Amerika uszwandere. Doch was denn gscheht, mit dem hed keine grechnet! S Comicmagazin erwacht zum Lebe und die Figure im Comic probiered die drü Suechende id Fiktion vom Comic z entfüehre. Chönd die Drü de Versuechig wederstoo? Und wer esch die jungi und schöni Frau mit em Name «Copyright»?

D Art vom Musical nennt sich «Graphic Musical». Es esch es als Comic zeichnets Musiktheater und stellt en pionierhafte, revolutionäre Zämehang vo 2D- mit de 3D-Welt dar. Die humor- und schwungvolle Strich vom Comicautor Éric Buche und de groovig Soundtrack vom François Ruedin entfüehrt s Publikum i e ufregendi Welt zwüsche Fiktion und Realität und eme Verspreche en Obig voller Action, Humor und ere gwaltige Priise Romatik.

Hinder dem Projekt stood als Produktionsleiter de Roli Isler. Er esch  i de Region bekannt vo de legendäre Prism Party’s wo sit de 1980er Johr scho bekannt esch.

Meh Info’s und au de Link zo de Tickets findet Ihr uf de Huus-Sitte vo dem Musical:

https://www.copyrightgirl.ch/