Am Sunntig, 19. März 2023 isch wider «Guitars and more» im Tägi. Vom 10i am Morge bis um 5i Am Spotnamittag drülled sich alles um Guitarre, Bäss, Ukulele, Banjos und meh.
D Veraastaltig «Guitars and more» isch es absoluts Muss für jede Saitezauberer, schriibed d Organisatore vom Event. Meh wie 50 Instrumentebauer us de Schwiiz und em Usland, Vintage-Sammler, Händler und Fachlüt zeiged ihri spezielle Instrument und di noischte Trends. Es isch e Plattfrom für jungi Guitarriste, aber ebe au Blues-Jam-Session, Konzert, Usstellig, Workshop, Träffpunkt, Mess, und Forum.
Eine vo de Höhepünkt vom Event wird de zwöistündig Workshop mit em dütsche Weltklasseguitarrist und Amp-Entwickler Thomas Blug si. Aber au attraktivi Showcases und en Blues Jam sorged zuesätzlich für en unvergässliche Usstelligssunnti. D Session wird vo Blues Jam Aarau organisiert.
Witeri Uskünft gits do: www.guitarsandmore.ch