Sit 60 Johr gid z Wettige d Volkshochschuel. Am Fritig 21. Oktober 2022 hed Sie Ihres Jubiläum i de Leueschüür gfiired.
De Uftakt vom Jubiläumsaalass hed Louisiana Hot Seven mit Hindergrungmusik gmacht. Begrüesst hed Gäst und Mitglider de Präsident, Philippe Rey. Es Gruesswort hed de Gmeindamme, de Roland Kuster überbrocht. Er esch in sine jüngere Johr selber en Kursbsuecher gsi be de VHS. Witteri Gruessbotschafte hend de Pius Knüsel, Präsident VSV und de Aargauer Regierigsrot, Markus Dieth ad Mitglieder und Gäst grechtet. Beidi händ s hohe Niveau und s Engagement vo de VHS globt. Im Aaschluss hed denn es gmüetlichs Zämesii stattgfunde med eme Apéro riche und ere Unterhaltig dur d Slampoete Trio Manuel Diener, Europameister im SlamPoete und ehemalige Kanti Wettige Schüeler. E Weltpremiere heds au no gä! De André Ehrhard, Musiker und Texter hed de VHS Wettige Song urufgfüehrt und hed demit s Publikum zom mitsinge brocht.
Was d VHS alle im Programm hed, findet Ihr uf de Huus-Site vo de Volkshochschuel.