Es Starchbier mit Fantasiename, tierischem Götti und überirdischem Gnusswert… Das gits jetzt bi de LägereBräu.
De Herbscht mit sine ufziehende Nebelschwade über de Limmig, wo es nötiog mached, sich üsserlich und innerlich z wärme, sind de Grund gsi, dass d LägereBräu es nois, malzbetonts und kräftigs Herbscht-Saisonbier braud het. En dunkle Bock!
D «Taufi» und de ungwöhnlich Name vom Schaf-Bock nehmed Bezug uf de Mythos vo de Bierstil-Gschicht, wo nüd mit eme Bock, aber mir de dütsche Herkunftsstadt Einbeck z tue het.
Klar isch, so schriibd d Brauerei inere Mediemitteilig, dass de Bock Stunkel niemed kalt laht und mit em helle Glockeglüt di chüehler Jahrsziit iilütet. De Stunkel selber, so heissts da witer, isch no bis zum 26. September live uf de Wise bi de «Haifischzäh» z gseh.