Scho sit Johre verzögered sich d Ernoierig vo de Siedlig «Klosterbrühl» . D Wohnbaugnosseschaft Lägere bliebd gliichwohl uf Zielkurs und het bi de GV im Tägi en grosse Schritt fürschi gmachd.
In de Zwüscheziit sind es öppe 6 Johr, wo sich de Baustart vo de noie Überbauig vo de Siedlig «Klosterbrühl» verzögered het. Es het emol im 2017 selle losgoh mit em Rückbau vo de 127 Wohnige und em Noibau vo 222 Wohnige zwüsche Etzelstrass, Siedligswäg, Grube- und Winkelriedstrass. In de Zwüscheziit sind di Verantwortliche froh, wenn si de Baubeginn im 2023 chönd umsetze, gits do no einisch en Iisproch gege s Projäkt.
Bi de Mitglieder vo de Wohnbaugnosseschaft isch d Ernoierig vom «Klosterbrühl» aber unbestritte. De Kreditaatrag über 109.8 Millione Franke het bi de GV im Tägi ned numme e klari Mehrheit übecho, sondern isch mit numme einere Enthaltig bi 84 Aawesende unbestritte gsi.