Bi de SolomusikerInne hät de Bezirkschüeler us Wettige, de Kiran De Simone am Piano mit Moonlight Movement vom Ludwig von Beethooven en und em Rondo alla Turca vom Mozart brilliert. De Vortrag vom Kiran De Simone isch so guet gsi, dass er die Vorusscheidig zum Chliine Prix Walo gunne hät und so für’s Finale vom nächschte Sunntig, 29.04.2022 in Birr qualifiziert isch.
Neben Kiran De Simone hät sich au d’Würenloser Bezirksschüleri Sara Cannizzaro, wo ebenfalls uf em Piano gspielt hät, für de Final qualifiziert. Ihri Leischtig isch speziell, hät sie doch die beide Stuck Ezio‘s Family von Jesper Kyd e Kombination aus First Step und dem Interstellar Main Theme von Hans Zimmer ohni Note gspielt. Sie hät sich s’ganze Wüsse in autodidaktischer Form aaglehrt! Nö ganz glanget, aber au mit enere sehr guete Leischtig, hät’s am Wettiger Georgios Paraskevaidis uf sinere Violine glanget. A dem Aalass hät mer sehr guete jungi Talent gseh. Au de vom Vorstand vo de «Show Szene Schwiiz» under der Leitig vo de Monika Kälin und de Marie-Louise Werth händ en super Arbet gmacht. (JF)