Die erschte Flüchtling us de Ukriane sind z Wettige iitroffe, teilt d Gmeind mit. Zum tifig uf d Situation chönne reagiere, het d Gmeind e interni Arbeitsgruppe ins Läbe gruefe.
Scho 22 Ukrianerinne und Ukrianer hend z Wettige bi Privatpersone en Unterkunft gfunde. In de näcchschte Woche werded de Gmeind vom Kanton witeri Flüchtling zuegwise werde. Zum uf d Aakunft vo dene Mönsch optimal vorbereitet z si, het en Arbetsgruppe unter de Leitig vom Gmeindamme Roland Kuster d Arbet ufgnoh. Nebe Vertreterinne und Vertreter vom Zivilschutz und de Soziale Dienscht sind punktuell au Lüt vo de Schuel und de Iiwohnerdienscht an de Koordinationssitzige debi, schribd d Gmeind innere Mitteilig. Aktuell sind d Bereitstellig vo Wohnruum und frag vo de «Beschuelig» vo de Chind di wichtigschte Theme.
D Gmeind macht scho druf ufmerksam, dass sie – wenn d Aazahl vo de zu betreuende Persone emol feschtstoht – uf Hilfsgüete rund Hilfeleischtig wird aagwise si. Was es konkret bruud, wird dann publiziert, wenn es so wit isch.
D Gmeind betind au, dass e wichtigi und zentrali Aalaufstell – au für d Gmeindbehörde – d Fachstell Integration Region Bade isch. Gflüchteti Mönsche und au Lüt, wo wette hälfe, chönnd sich bi de Fachstell melde: www.integrationregionbaden.ch