Dieb feschtgnoh

Wi d Kantonspolizei (Kapo) innere Mediemitteilig schribd, hend sich in de Nacht vo Samschtig uf Sonntig, dreisti Diebe in es Huss iigschliche. Uf de Fahndig het d Polizei en junge Algerier chönne festneh, wo dringend tatverdächtig isch.
Es isch inere Wohnig a de Bahnhofstrass gsi, wo e Bewohnerin kurz nach de Halbieis in de vorletschte Nacht wegeme Grüsch wach worde isch. Wo si dann isch goh luege, was los isch, sind drü maskierti Manner in de Wohnig gsi, wo sofort gflüchted sind. Dodebi hend si en Rucksack lah lige.
Nach de Alarmierig het d Polizei sofort d Fahndig ufgnoh. E Patrouille vo de Regionalpolizei het en verdächtige Velofahrer gseh, aaghalte und überprüeft. Bim 17-jährig Asylbewerber us Algerie het d Polizei en Uswiis vo de Eigetümeri vom Rucksack gfunde, wo die drü Manner am Tatort vergässe gha hend und wo am Abe vorher us eme unverschlossene Auto klaut gsi worde isch. D Polizei het bim Tatverdächtige no witers Diebesguet us dem Fahrzüüg gfunde.
D Kapo het de 17-jährig für witeri Abklärige fest gnoh. Au d Ermittlige nach de flüchtige Komplize sind iigleitet worde.
D Kapo betont, dass d Wohnig, wo sich die drü Manner iigschliche gha hend, ned verschloss gsi isch und das d Tat zeigi, wie Dieb settigi Glägeheite nutzed. Türe und Faischter setted verschlosse si und Wertsache ned im Auto bliibe, said d Polizei.