Di erschte hend sicher scho ihres Bier trunke, unte bi de Spinneri uf de Chloschterhalbinsle. Offiziell goht er aber hüt uf di Vieri uf.
Vili Beize sind no ganz zue, au wil sich en Öffnig numme vo de Usesitzplätz ned rentiert. Anderi hend aber d Terrasse göffned. Eifacher isch de Entscheid, ob me sell öffne oder ned, für en Biergarte. Do hockd me eh dusse a de früsche Luft und offe isch au numme, wenn d Witterig entsprechend isch. So started de Biergarte vo de Lägerebräu hüt uf die Vieri mit em Fassaastich offiziell in die noi Saison.