Wettiger engagiered sich im Chloschter Fahr

Sandro Sozzi, Abt Urban Federer, Andreas Benz, Thomas Benz, Priorin Zum Projäktstart isch e Linde pflanzt worde. Sandro Sozzi, Abt Urban Federer, Andreas Benz, Thomas Benz, Priorin Irene Gassmann, Verena Gysin, Projektleitung Kloster Fahr (v.l.n.r.)

S Chloschter Fahr het immene breit aaglegte Strategieprozess mit ere öffentliche Usschriibig en Partner für d Entwicklig und öffentlichi Nutzig vo de Annexgebäud und em Betrieb gsuechd. Am 3. Juli 2020 het de erscht Vertrag chönne unterschribe werde.

Es isch d «Fahr Erlebnis AG», mit dere s Chloschter Fahr, en Exklave vo Würelos im Kanton Züri, en Vertrag het chönne abschlüsse. D AG isch d Gwünneri vo de Usschribig Ändi 2018 gsi und wot di bestehend Nutzig in de Gastronomie und in de Landwirtschaft modernisiere, gsamtheitlich usrichte und uf e zuekunftsfähigi Grundlag stelle. Mit em Unterschribe vom landwirtschaftlich Pachtvertrag isch de erscht Meilestei erreichd worde.
Wie s Chloschter inere Mediemitteilig schribd, froied sich d Priorin Irene Gassmann und de Abt Urban Federer stellvertretend für d Chloschtergmeinschaft, dass sich mit de «Fahr Erlebnis AG» drü Familie us Wettige im Kloster Fahr mit Härzbluet und Professionalität werded engagiere. S Team vo de Fahr Erlebnis AG mit em Thomas Benz, em Andreas Benz und em Sandro Sozzi hend bi de öffentliche Usschribig es Konzept für e biologisch usgrichteti Landwirtschaft und Gastronomie iigreicht. Nebe de erläbnisorientierte Landwirtschaftsbetrieb plant d AG en Hoflade ufzbaue und de Betrieb vom Restaurant «Zu den Zwei Raben»
z überneh.