Am 19. Juni 2020 kurz ab de 12i isch i de Notruefzentrale e Meldig iigange, dass mehreri Persone en Zug vo de SBB verspraye. Wege de Fahnidigsaktion, wo iigleitet worde isch, sind di Betroffene gflüchtet.
Bi de Fahndigsaktion sind mehreri Patrouille vo de Kantons- und de Transportpolizei und vo de umliegende Stadt- und Regionalpolizei beteiliged gsi. D Sprayer sind Hals über Chopf devo, wo d Polizei uftauchd isch und hend Sprayer-Utensilie, bim Zug la lige. Ei Person vo de Flüchtende isch in d Limmig gumped und het schints ghoffed, so de Polizei z entcho.
Insgsamt het d Polizei drü Sprayer chönne verhafte, en 24- und en 26- jährige Schwiizer us em Kanton Züri und e 23- jährigi Aargaueri.
All drü sind für di witere Ermittlig inhaftierd worde und es het Huusdurchsuechige geh, wo d Polizei witeri Sprayer-Utensilie het chönne sicherstelle.
Di zueständig Staatsaawaltschaft het en Untersuechuig eröffned und d Kapo Aargau het di witere Ermittlige übernoh. De Sachschade am Zug ligd bi mehrere tuusig Franke.