Au wenn’s erschti Lockerige in Sache Corona ged, bliibed d Hygiene- und Abstandsregle in Chraft. De Iiwohnerrat zügled us dem Grund für die nöchscht Sitzig is Tägi.
Wil d‘ Mai-Sitzig vom Iiwohenrrat abgseid worde esch, taged s Wettiger Parlament in de 26. Kalenderwoche grad zwoimol. Für de Mändig, 22. Juni (Ersatz-Termin für d Mai Sitzig) hed Gmeind jetzt Traktandeliste ufgschalte und somit esch au klar, dass die Debatte ned im Rathuus-Saal werd stattfinde. Wie de Grossi Rat, wo im Mai und im Juni in d Umwältarena uf Spreitebach uswichd, god au de Iiwohnerrat „fremd“. So werd Sitzig vom Donnschtig, 25. Juni im früsch sanierte Tägi-Event-Saal stattfinde.
Für d Zueschauer werd uf de Bühni obe Platz gschaffe,das gmäss ussage vo de Gmeind(es werd so veel Platz ha wie’s denn hed…!). Natürlich muess mer sech a die gültige Abstandsregle halte, das gilt sowohl für eusi Gmeindsparlementarier wie au für Zueschauer.
So esch das die ersti Möglichkeit für Intressierti, wo de neurenovierte Tägi-Saal nonig gseh händ, de mol be de Sitzig go s Bsueche… =;O)