S Ziil vo allne Iischränkige vo oisem Alltag, isch d Reduktion vo de Infektionsmöglichkeite mit em Cornoavirus. Au bi de Kehrichtentsorgig gilts einiges z beachte.
Im aktuelle Newsletter vo de Gmeind Wettige gits Empfehlige für d Entsorgig vo Abfäll. Zum eigede Schutz und zu dem vo de Lüt vo de Kehrichtabfuhr gilts da nämli einiges z beachte. Das isch dVorussetzig dafür, dass d Kehrichtentsorgig überhaupt cha ufrecht erhalte werde!
Bi de kommunale Kehrichtsammlig isch wichtig, Abfäll wi Maske, Nastüecher, Hygieneartikel und Papiirhandtüecher direkt in Plastiksäck z sammle. In di Säckli sell me, ohni si zammezprässe, mit eme Chnopf verschlüsse und imene Abfallgfäss mit Deckel, in dem en Kehrichtsack vo de Gmeind isch, sammle. Di Säck sell me dann wi üblich über de Huuskehricht entsorge.
We imene Huushalt öppe positiv teschtet isch oder unter Quarantäne stoht, sell me uf d Abfalltrännig verzichte. PET-Fläsche, Aludose, Papiir, … ghört i dere Ziit in de Huuskehricht, wil das d Infektionsgfahr verringered! Au über d Grüenguetsammlig oder de Kompost selled kei Abfäll entsorgd werde.
Im Blick uf di kommunale Sammelstelle gilt, dass me sie numme set nutze, wenn es unbedingt notwendig isch. Ned verderblichi und suberi Abfäll sell me dihei lagere. D Verbrännig vo Kehricht im Garte oder in Cheminées isch au in de aktuelle Situation verbote!
D Gmeind bitted d Bevölkerig die vom Bund erlassene Empfehlige iizhalte und dankd für s verantwortigsvolle Handle während de usserordentliche Gfahrelag.