Ab em 1. Januar 2020 müend in Wettige höcheri Gebühre fürs Wasser zahld werde. De Grund sind aastehendi Investitione in d Infrastruktur vo de Abwasseraalage.
Für d Gsundheit vo de Bevölkerig sind d Abwasseraalage wichtig. Finanzierd werded de Unterhalt und de Neubau vo de öppe 61 km Leitige, Regebecki, Pumpwerk und d Abwassereinigungsaalag (ARA) im Turgi durch e jährlichi Grundgebühr und verurschergrechte Benützigsgebühre. Bi Neu- und Erwiterigsbaute gits zudem en Aaschlussgebühr.
Wegem Erneuerigs- und Werterhaltigsbedarf vo de ARA het de ABwasserverband de Betriebsbiitrag für Aaschlussgmeinde, zu dene au Wettige ghörd, per 1. Januar 2019 um 30 Rappe pro Kibikmeter erhöht. Für Wettige bedüted das jährlichi Mehrkoste vo 490’000 Franke. Ohni Aapassig vo de Wassergebühr, würd en Finanzierigsfehlbetrag vo öppe 2 Millione Franke pro Jahr entstoh, wil au bi de kommunale Infrastruktur i de nächschte 10 Johr en grosse Investitionsbedarf bestoht. Nach Prüefig und Empfehlig vom Priisüberwacher, het de Gmeindrot entschide, d Aapassige stuefewiis umzsetze. En Aapassig vo de Abwassergebühr wird also au i de kommende Johr immer wider müesse erfolge.
Per 1. JAnuar 2020 werded d Verbruuchsgebühre um 10 Rappe pro Kubikmeter Frischwasserbezug uf 1.60 Franke erhöht und d Aaschlussgebühre um 5 Franke pro Quadratmeter Bruttogschossflächi uf 35 Franke. Di jährlich Grundgebühr vo 70 Franke bliibd vorerscht gliich.