Klima, Schuel und anders

Hüt, Donnschtig, 5. September 2019 isch di 5. Sitzig vom Iiwohnerrot. D Behandlig vo de Vorstöss dörft meh Ziit i Aaspruch neh, wi d Aaträg vom Gmeindrot.
D Traktandelischte für hüt isch lang und d Frog vo de Usrüefig vom Klimanotstand wird vermuetlich hinterher für di meischte Schlagziile sorge. Aber au s Bestattigs- und Friedhofreglement, es Aagebot für d Integration, d Schuelruumplanig, d Tagesstrukture mit em Mittagstisch und s Tägi sind traktandiird. D Fraktionsbricht zeiged, dass bsunders bi de Integrationsstell und de Frog, bis zu wellem stüürbare Iikomme Eltere bi de Tagesstrukture Subventione übechömmed, d Meinige im Rot wit usenandgönd. Vermuetlich hangeds jewils a de Position vo de FDP, ob sich di konservativ Site cha duresetze oder ob d Integrationsstell gschaffe und de Krippepool Bestand wird ha. Au bim Klimanotstand sind d Mehrheitsverhältnis unklar. D FDP isch no uf de Suechi nach ihre Position und CVP het im Fraktionsbricht nüd zu de eigede Position in Bezug ufs Poschtulat gschribe.
Mir werded uf Twitter ab de Sibni am Obig derbi si …