De Clean-Up-Day 2019 isch am Fritig, 13. und Samschtig, 14. September. Am Fritig isch Wettige debi.
I de Schwiiz isch demnächscht de Clean-Up-Day 2019. An dene beide Täg sind im ganze Land Gmeinde, Schuelklasse, Verei und Unternehme unterwegs, um sich gege Littering z engagiire. Es soll en aktive Biitrag zu mehr Läbesqualität und e suberi Umwält si.
D Lüt vom Werkhof sind wegem vile Littering eh mit zwöi Equipe pro Tag unterwägs, aber we sich am 13. September Wettige am Clean-Up-Day beteiliged, chönnd alli, wo wend, es Zeiche gege s Littering setze.
D Gmeind wot a dem Tag Parkaalage und Grillstelle reinige. Wer wot mitmache cha sich bim Werkhof aamelde (werkhof@wettingen.ch). Träffpunkt isch dann am 13. uf di Sibni am Morge bim Werkhof a de Roggestross 6. Es isch aber au mögli, erscht um Viertelabnüni oder um Eis am frühe Nomittag dazuezstosse. Wichtig sind guetes Schuehwerk und Chleider, wo em Wetter aapassd sind. Hendsche, Grifzange, Kübel und Säck werded zur Verfüegig gschtellt. De Clean-Up-Day gohr z Wettige bis um Halbiföifi.