Kandidierendi für de Regiirigsrot chömmed uf Wettige

Am 20. Oktober 2019 wird ned numme de National- und Ständerot noi gwählt, sondern es find en Ersatzwahl für de Regiirigsrot statt. Bieme Podium vo de Spitex chömmed fascht alli Kandidierendi uf Wettige.

Am Mittwoch, 11. September 2019 um Halbiachti am Abe started im Rothuussaal z Wettige s Podium zum Thema „Spitex heute – Spitex morgen“, das au vo de EVP, den FDP und em Forum 5430 unterstützd wird. Diskussionsleiter wird de Mathias Küng vo de AZ si. Als Fachfrau nimmt zudem d alt Regierungsrötin teil, wo ehemoligi Präsidenti vom Spitex Verband Schwiiz isch.

Abgseh vom SVP-Kandidat Jean-Pierre Gallati und em Pius Lischer werde alli gmeldede Kandidatinne und Kandidate für d Ersatzwahl zum Regiirigsrot debi si. De Aalass isch also e gueti Glägeheit d Jeanine Glarner (FDP), d Doris Aebi (glp), de Severin Lüscher (Grüeni) und – wer si no ned kennd – d Yvonne Feri (SP) kennezlehre und meh über ihri Positioniirig i de Gsundheitspolitik z erfahre.