Am Samschtig, 17. Augschte 2019 het de FC Wettige im Stadion Alteburg de FC Adliswil z Gascht gha. Mit em 1:1-Unentschide chönnd d Wettiger aber nöd zfride si.
De Match het eigentli gar ned eso schlächt aagfange und di 222 Zueschauer hend es Team gseh, wo engagiird gschpild het. Mit de Goal hets aber ned eso rächt welle chlappe. Wer ghofft het, dass mit em Penaltytor vom Labinot Osmani i de 33. Minute en Chnopf chönnd ufgah und s Toreschüsse würd lichter falle, isch enttüscht worde. Au fascht 100%igi Chance hend ned de Wäg ins Goal gfunde.
D Adliswiler hend nie ufgeh und sind immer wider zu Chance cho und so isch es cho, wi es oft goht im Fuessball, we me sini Chance ned nutzt: D Adliswiler hend i de 82. Minute de Usgliich zum 1:1 gschosse. D Zueschauer hend sich an di letschte paar Heimmatch vo de letschte Saison errinnered gfüehld.
Für de FC Wettige sind zwei Pünkt us de erschte zwöi Match eigentli zwenig. So hoffed d Fans, dass es am nächschte Samschtig z Züri gege d Red Stars besser wird.