Es het scho Tradition, s Trottefäscht vo Steimer Wybau. Ganz stilächt finds i de Rote Trotte statt.
In gmüetliche Atmosphäre cha me am Fritig, 16. Augschte und Samschtig, 17. Augschte 2019 schöni Stunde bimene schöne Glas Wy verbringe. Di 2018er Wy siged erschtklassig, schribd Steimer Wybau, was durch d Lägere Perle 2018, wo im 2019 Aargauer Staatswy isch, unterstriche wird. D Wy präsentiired sich mit neue Etikette und au schuscht gits am Wochenänd i de Rote Trotte Nois z entdecke. Am Sunntig isch au wider de ebefall scho traditionell Landfrauezmorge.
Fäschtziite:
Fritig, ab de Sächsi am Abe Fäschtwirtschaft, vom Sächsi bis em Halbinüni mit Gratisdegustation
Samschtig, ab de Zwölfi am Mittag Fäschtwirtschaft, vom Zwölfi bis em Sibni mit Gratisdegustation
Sunntig, vo Nüni bis Halbeis Landfrauezmorge vom Landfraueverei Wettige