De Jurj Jegge und d Loa Oldani si di schnäälschte gsi

Schnäll, schnäller, de schnäälscht Wettiger: Zum Uftakt vom Wettiger Fäscht sind am Fritignamittag 220 Schuelchind um de Siig gloffe.

Traditionell find de Aalass «De schnäälscht Wettiger» am erste Tag vom Wettiger Fäscht bim BEZ-Schuelhuus statt, so au am 6. Juli 2019. Chind vo 7- bis 15-jährig hend ihri 60- bzw. 80-Metersprints absolviird um usezfinde wer de und di schnällscht isch.

49 Chind hend sich erscht am Friitig nochgmelded, so vil wi no nie und 23 wo aagmelded si gsi, si ned cho, so wenig wi no nie. Es zeiged, dass de Aalass nach wi vor sehr beliebt isch. Gunne hend de Jurj und d Loa, wo sich damit für de Kantonsfinal im Auguscht z Aarau qualifiziird hend.