Fascht uubemerkt vo de Öffentlichkeit isch es Stück Wiibaugschicht z Änd gange. Ändi Mai 2019 het sich d Wybaugnosseschaft ufglöst.
In de letschte Mönet hend mir immer wider vernoh, dass bim Wettiger Wybau zu grössere Veränderige wird cho. Während bisher vil in Arbeitsteilig mitenand gmachd worde isch, gönd d Gnosseschaft und Weinbau Steimer in Zuekunft getrännti Wäg. Ode rkonkret: D Wybaugnosseschaft goht gar kein Wäg meh und het binere usserordentliche Gnosseschaftsversammlig am 24. Mai d Uflösig bschlosse.
Für d Kunde änderi sich vorerscht nüd, het di ehemolig Gnosseschaft ineme Brief mitteild. De Verchauf erfolgi witerhin durch de bisherig Kellermeischter Meinrad Steimer a de Rebbergstross 32 und über de Internetshop. Witer isch planed i de nächschte Woche e Firma z gründe, wo witerhin Wettiger Wy wot vermarkte.