Hüt, Donnschtig, 16. Mai 2019 am Abe um Sibni chunnd de Iiwohnerrot zu sinere dritte Sitzig vo dem Johr zämme. Nebe de ordentliche Traktande muess de Rot au drüber entscheide, ob er es Postulat zur Usruefig vom «Klimanotstand» wot für dringlich erkläre.
D Rechnig und de Recheschaftsbricht, wo bisher jewils i de Juni-Sitzig vom Iiwohnerrot behandlet worde isch, sind dismol scho im Mai traktandiird. Dazu chömmed zwöi Kreditbegehre (4’940’000.- Franke fürs Kurtheater Bade und 1’565’000.- Franke für d Instandsetzig und Erwiterig vo de Ligeschaft a de Schartestross 42), es Postulat für en Hundepark und d Beantwortig vonere Interpellation vo de Hanna Läng zum Altersleitbild.
Zudem hend Iiwohnerröt vo de Fraktion SP/WettiGrüen es dingends Poschtulat iigreicht, mit dem si d Usrüefig vom «Klimanotstand» wend erreiche. De Iiwohnerrot muss über d Dringlichkeit entscheide. Dodefür bruuchds d Zuestimmig vo Zwöidrittel vo de aawesende Rotsmitglider. Set d Dringlichkeit anerkannt werde, wird de Vorstoss noch i de hütige Sitzig behandled.
Mir twittered wider us em Rotssaal.