D’Damen vo Rotwiiss Wettige und d’Schwiizer Nationalmannschaft speled im Tägi gege s’Nationalteam us Südafrika
Vom 8. bis zom 12. Januar 2019 isch di Südafrikanisch Dame Hallehockey-Nationalmannschaft i de Schwiiz z’Gascht und wird gäge zwoi Clubteams, sowie di Schwiizer Damennationalmannschaft anträten.
Am Mittwoch, 9. Januar 2019, 19:00 Uhr werded si be de Damen vo Rotwiiss Wettinge im Tägi z’Gascht si.
Ebefalls im Tägi in Wettinge, am Donnschtig, 10. Januar 2019, 19:00 Uhr, schtartet denn die Serie mit de Länderspel zwösche eusere Schwiizer Damenati und Südafrika. I de Nationalmannschaft werded 8 Spelerinne vo Rotwiiss uflaufe.
Chömed si verbii und unterstützed si am Mittwoch euses Rotwiiss Team – Hopp Rotwiiss – und am Donnschtig s’Nationalteam – Hopp Schwiiz – lautstark! Die Spel finded im Tägi statt und de Itrett isch gratis. En Kiosk isch offe.