Im 1988 het d Eleonora Brunner als Sigristin in de reformiirte Chile aagfange. Geschter isch si verabschiided worde.
Es isch di letscht Amtshandlig vom scheidende Präsident vo de Chilepfläg, em Roger Vogler gsi: im Familiegottesdiescht am 24. Dezember 2018 het er d Eleonora Brunner verabschiided und verdankd. Sit em 1988 het si als Hilfssigristin unzähligi Gottesdienscht begleited und daderbi wichtigi Hintergrundarbeite gleischtet. Für d Mikrophonaalag isch si genauso zueständig gsi wi für d Begrüessig vo de Gottesdienschtbsuecher, für d Cherze, s Liecht, d Glocke und viles meh. Dafür het ihre de Roger Vogler en Gschenkkorb überreichd. Bi sine Dankeswort het er au vili anderi Tätigkeite erwähnd, in dere d Eleonora Brunner für d Chilegmeind isch engagiert gsi, u. a. 7 Johr als Chilepflägeri und 25 Johr als Katecheti. Mit de beschte Wünsch für ihre Ruhestand und vil Applaus vo de Gottesdienschtbsuecher isch damit es wichtigs Kapitel im Läbe vo de Eleonora Brunner und vo de Chilegmeind z Änd gange.