![neuenhof_181002_1_content_medium6694220948243538073.jpg](https://wettiger-nochrichte.ch/wp-content/uploads/2018/10/neuenhof_181002_1_content_medium6694220948243538073-678x381.jpg)
Vo de Spinnerei uf de Chloschtethalbinsle isch es en Katzesprung zur Hundeschuel Baregg. S Gebäud isch letschti Nacht abbrönd.
D Kantonspolizei (Kapo) het in ere Mediemitteilig über zwei Bränd z Noiehof informiird. Eine davo het d Baracke vo de Hundeschuel troffe, bi dere au vil Wettiger Hündeler regelmässig mit ihre Hünd trainiired. Nach Aagabe vo de Kapo isch d Baracke witgehend zerstört. Als Brandursach stoht Brandstiftig im Fokus vo de Ermittlige. D Höchi vom Schade isch no ned klar.