Z Noiehof hets en Waldbrand geh

Us unterschiedliche Quelle hend mir am Sunntig, 9. September 2018 d Info übecho, dass z Noiehof am Abig de Wald in Brand grate isch. Au vo Wettige us het me das chönne gseh.

Wo en ufmerksame Wettiger d Rauchsüle gseh het, het er em 118 aaglüte um de Brand z melde, dete isch me aber scho informiird gsi. Wi gross de Waldbrand gsi isch und wann er glöscht gsi isch, da drüber liged ois bisher kei Informatione vor. Vom Quartiir Wettige-Chloschter us isch de Rauch, au wos dunkel worde isch, no guet sichtbar gsi. Mir hoffed, es isch so wit glimpflich abgloffe.

Falls mir nöcheri Informatione übechömmed, werded mir oich hiir uf em Laufende halte.