Überraschende Priis für en Wettiger Wy

Copyright: Kanton Aargau

Am Fritig, 15. Juni 2018 het d Jury unterm Regiirigsrot Markus Dieth de «Aargauer Staatswii 2018» kürt. Anderscht wi im 2017 isch dismol kein Wettiger Wy unter de viir Siiger gsi, en Wettiger Gwünner hets gliichwohl geh.
Einisch im Johr werded inere Blinddegoustation di viir Aargauer Staatswy ermittlet. En Wysswy, en Rotwy und jewils no e Spezialität in Rot und Wyss. Anderscht wi im letschte Johr isch dismol kein Wettiger Wy und de Siiger gsi. Überraschend isch aber gliichwohl z Wettige en siigerwy z finde. Als Überraschigsgascht isch de Kurt Aeschbacher in de Jury gsi und het grad noch e zwoiti Überraschig parat gha. Für einisch isch unter de 88 iigreichte Wy de Designpriis «Kurt Aeschbacher’s Choice» vergeh worde und den het d Wybaugnosseschaft Wettige für ihre Classique Herrenberg Pinot Noir übercho. Härzliche Glückwunsch!