D U15 vo Rotwiis isch Schwiizermeischter

D U15 vo RWW hend hüt ihre Finalmatch gha. Gege Servette Genf isch es bis zum Schluss spannend gsi.

Bim Finalmatch z Olte am Sunntig, 10. Juni 2018, het es nach em Änd vo de reguläre Spiilzit no 0-0 gheisse. So het d Schwiizermeischterschaft im Shoot Out müesse entschide werde. Doderbi hend d Spielerinnen und Spiler jewils 8 Sekunde Zit, um vom 21-er in de Chreis z ga und es Goal z schüsse. D Wettiger hend di bessere Nerve gha und de Match 3-1 für sich entschide.

Mir vo de Wettiger Nochrichte gratuliired härzlich zur Schwiizermeischterschaft.