Am Sunntignamittag, 10. Juni 2018 het a de Lugibachstross es Fäld brönnd. D Füürwehr isch im Iisatz (gsi).
D Hitz in Zammehang mit eme Absturz vomene Modellflugzüüg het glanged, dass nebe de Kiisgrueb a de Lugibachstross es Fäld brönnd het. S Flugzüüg isch nach oiserne Informatione mit eme Lithium-Polymer-Akku usgrüschtet gsi, wo sich bim Absturz schints entzünd het. D Versuech, das Füür allege z lösche sind gschiteret und so het d Füürwehr müesse aarücke. Mit zwei Schluuchleitige het d Füürwehr de Wassertransport sichergstellt und au nach em Lösche S Fäld usgibig gwässered.
De Brand zeiged au, dass, trotz Gwitterräge i de letschte Täg, d Fälder recht trocke sind und es me au mit offenem Füür vorsichtig muess si.
