In de Bernau hend am 6. Mai 2018 di beide Final vom Schwiizer Cup im Landhockey stattgfunde. Sowohl d Dame wi au d Herre hend gunne.
Zerscht sind d Dame vo Rotwiis gege d Dame vom Lozärner SC aaträte. Überschattet gsi isch de Match durch en Todesfall in de letschte Woche, wo Lozärnerinne e Teamkollegin verlore hend. Gliichwohl hend d Gäscht alles versuechd, de Match z günne. Siigrich sind aber d Wettigerinne vom Platz, wo mit 3:1 d Oberhand bhalte hend.
Au d Herremannschaft het gege s Team vom Lozärner SC müesse aaträte. Au si hend dafür gsorged, dass de Pokal z Wettige bliibd.
Nach em Herrematch sind d Pokal überreichd worde und d Rotwiis-Familie het no usgibig gfiired.