De Traum vom Final isch erscht im Penaltyschüsse platzt

D Wettiger Futsaler hend hüt de entscheidend Match z St-Prex 5:3 verlore. D Best-of-3-Serii endet dodemit knapp mit 2-1 für de FC Silva.
Mir hend leider nöd derbi si, am Genfersee, aber das knappe Ergäbnis, wo de SFV grad uf sinere Homepage bekannt geh het, laht uf en spannende und enge Match schlüsse. (Update: D AFM Futsal Maniacs hend den Match im Penaltyschüsse verlore, also no knapper wi knapp.) Wer geschter de 2. Halbfinalmatch im Tägi gseh het, der weiss, wi es im Futsal cha zue und her gah. Mit de 5:3 Niderlag verabschiided sich d Futsal Maniacs us de Saison 2017/18 und mir drucked jetzt scho d Duume für di nächschte Saison und froied ois uf spannendi Spil in de Saison 2018/19.