![2016-09-04-15-31-51](https://wettiger-nochrichte.ch/wp-content/uploads/2018/03/2016-09-04-15-31-51-678x381.png)
Nach de Aakündigung vom Rücktritt vo de Pascale Bruderer wot d SP de Sitz im Ständerot verteidige. Als erschti wirft d Yvonne Feri «ihre Huet i de Ring».
Nachdem sich di vor allem vo de Medie propagiirti gmeinsami linki Kandidatur vo de Alt-Regiirigsrötin Susanne Hochuli für de Ständerot zerschlage het, muess d SP irgendwann in de nächschte Mönet entscheide, mit wem si de Sitz im «Stöckli» wot verteidige. Als erschti het d Yvonne Feri, Nationalrötin und Regiirigsrotskandidatin vo 2016, erklärt, dass si Interesse anere Kandidatur het. Wann D SP wird entscheide isch no offe.