D CVP het e noii Präsidentin

Bi de GV vo de Wettiger CVP hets en Wächsel im Präsidium geh. Uf de Roli Michel folged d Ursi Depentor. Zudem hets witeri Wächsel im Vorstand geh.
Nebem Roli Michel, wo de CVP aber als Iiwohnerrot erhalte bliibd, hend au d Simona Nicodet, de Stefan Spiess und de François Chapuis ihren Ustritt us em Vorstand vollzoge, wi d Partei mitteild. Nebe de Präsidentin isch au d Eveline Isler noi in de Vorstand gwählt worde. De Markus Zoller blibt Vizepräsident.

D Ursi Depentor, wo gegenüber de Wettiger Nochrichte betond het, dass si sich riisig über ihri Wahl gfreud het, isch di erschti Präsidentin a de Spitze vo de Wettiger CVP. Obwohl si no nöd eso lang in de Politk isch, wird si sich wi im Iiwohnerrotswahlkampf «is Füdli chlämme», wi si betond. Si wot di jungi Generartion mobilisiire, damit si Froid a de CVP-Politk z Wettige überchunnt. Au d Zammenarbet mit allne andere Partei isch ihre es Aalige.