Am Sunntig an d Urne!

Am 4. März 2018 isch Abstimmigssunntig. Zwei eidgnössisichi und ei kantonali Vorlage stönd zur Abstimmig.
Gwichtigi Themene sind es, wo am Sunntig vors Volk chömmed. Uf eidgnössischer Ebeni sind es zum eine di noi Finanzordnig vom Bund, zum andere d No Billag-Initiative. In de Diskussione isch erschteri fascht untergange, will si schints unbestritte isch, während über NoBillag hitzig diskutiirt worde isch. Gliichwohl isch d Abstimmig wichtig, het doch de Bund numme bis 2020 s Rächt, e direkti Bundesstüür und e Mehrwehrtsstüür z erhäbe. Noi sell das Rächt bis Ändi 2035 gälte. Was wohl passiire würd, wenn s Volk d Verlängerig würd ablehne??
Über NoBillag müend mir glaub nüd schriibe, di Diskussione dörfte alli mitübercho ha, wo an politische Themene au numme es bizeli interesiirt sind. Numme so viel: Mir überchömmed für oisern YouTube-Kanal kei Gälder us em Gebühretopf.

D Abstimmig uf kantonaler Ebeni betrifft d Usbildigsbiiträg für Studiirendi. De Grossi Rot het am 7. November 2017 bschlosse, en Teil vo de Stipendie numme als Darlehe uszzahle. Dagäge hend 49 Grossröt s Behördereferendum ergriffe.
Egal welli Meinig ihr hend: Gönd go Abstimme!