Am Fritig isch de Wältgebetstag

Jewils am erschte Fritig im März isch de Wältgebätstag, wo in meh wi 170 Länder ökumenisch gfiired wird. So au sit Johrzehnt z Wettige, wobi es i dem Johr z Bade wird si, we me s wot ganz genau neh.
Am 2. März 2018 isch es so wiit. Um Sibni am Abig wird bi ois de Wältgebätstag gfiired, wo von ere engagiirte ökumenische Gruppe vorbereitet wird. Wil au di evangelisch-methodistisch Chile im Vorbereitigsteam derbi isch und de Wältgebätstag reihum bi de beteiligte Chilegmeinde gfiired wird, find er in dem Johr z Bade statt, we me es genau wot neh. Di Methodistechile isch nämli a de Seminarstross 21, numme e paar Meter weg vo de Wettiger Gmeindsgränze. D Liturgie, wo jedes Johr vo Frau ineme andere Land vorbereitet wir, isch i dem Johr us Surinam und au bim aaschlüssende richhaltige Apéro wird es Spezialitäte us dem südamerikanische Land geh.