Es git e noii Chrabbelgruppe

Z Wettige gits sit em 12. Jannuer 2018 e noii Chrabbelgruppe. Si heisst «mami&co» und het sich im Chrüzpunkt (FEG) iigmietet.
Gründerin vo mami&co isch s Susanne Röthlisberger, usbildedi Chinderpfägerin, Chlikinderziiherin und zertifiziirti Trageberaterin. Si wot mit ihrere Gruppe en Begägnigsort für Eltere, Babys und Chlichind aabüte. Es wird gsunge, gspielt und entdeckt. Es werded Babymassage-Technike zeiged und es isch Ruum zum Ustuusch zwüsche de Eltere.
D Träffe sind jewils am Fritig vom Nüni bis um Ölfi am Vormittag a de Landstross 170. En Morge choscht 25 Franke. Nöcheri Infos & d Kontaktdate für d Amäldig gits uf www.mamico.ch.