«Ente Gut – Alles Gut» heisst s Theaterstück, wo d Theatergsellschaft Wettige am em 19. Januar 2018 im reformiirte Chilegmeindhuus uf d Bühni bringd. D Regii führt d Jeannine Török.
Es isch aneme Vormittag im Früehlig, wo d Sara Weiler uf d Präsidentin und de Trainer vo ihrem zuekünftige Verei wartet, um en Profifuessballvertrag z unterschriibe. Glichzitig wird di örtlich Raiffiisebank überfalle und d Täter flüchted ufs Grundstück vo de Familie Weiler und dann wot isch au no d Urlaubsverträtig vom türkische Dienschtmaitli vorstelle. Dass es bi all dene fremde Gsichter bi Weilers wird drunter und drüber gah, cha me sich vorstelle und dann chunnd au no e tiifgfroreni Ente ins Spiil.
Das isch d Kurzzammefassig vo de Komödie vom Wolfgang Binder (Schwiizerdütschi Übersetzig und Bearbeitig vom Rolf Etterlin), wo d Theatergsellschaft Wettige an de beide Wochenänd vom 19.-21. und em 26.-28. Januar 2018 im reformiirte Chilegmeindhuus an de Etzelstrass 22 ufführt. Am Fritig und Samschtig started d Ufführoige jewils um Achti am Abig, am Sunntig um Zwöi am Namittag. Am Sunntig gits en Ermässigung für AHV-Bezüger.
Tickets cha me online hiir reserviire.
Antworten
Du musst angemeldet sein, um einen Kommentar abzugeben.