Budget vor Rückwisig?

D Finanzkommission (Fiko) wot, dass de Iiwohnerrot s Budget gar ned erscht behandled. D Mehrheite vo de Fiko isch aber ned defür.

Es isch es seltes Abstimmigsergäbnis, mit dem d Finanzkommission d Rückwisig vom Budget beaatraid. 2 Ja, 2 Nei und 2 Enthaltige und dann mit em Stichentscheid vom Präsident doch no bschlosse. Das wirft d Frog uf, wi gross de Rückhalt für de Aatrag i de Fiko überhaupt isch.

Mir hend de Präsident vo de Fiko, de Francois Chapuis gfröged, wi ernscht es de Fiko mit de Rückwisig isch, hend aber no kei Antwort übecho.

Offesichtlich isch aber, dass es en intensivi Iiwohnerratssitzig wird geh, wenn s Wettiger Parlament am 17. Oktober 2019 s Budget wird berote.