Im 2020 wird Wettige 975-jährig. Das isch en Grund zum Fiire. Wi gross und wi lang ligt jetzt au i de Händ vom Iiwohnerrot.
Im Johr 1040 isch Wettige zum erschte Mol inere Urkund erwähnt worde. Im 2020 jährt sich das zum 975. Mol und sell ensprechend gfired werde. Dafür isch es OK gründ worde, wo sit Monate am Schaffe isch. De Gmeinrot beaatrait in de Sitzig vom 24. Jänner 2019 bim Iiwohnerrot en Kredit über 450’000 Franke.
Au wenn möglichscht vili Aaläss, au vo Verei, de Chilene und andere, im 2020 unter em Motto vom Jubiläum selled stoh, ischs Gäld vor allem fürs 10-tägig Jubiläumsfäscht vorgseh. Es sell vom 14. bis zum 23. Auguscht 2020 unter em Motto „Atmosphäre“ stattfinde. Wil de Betrag fascht es Stüürprozent usmachd, dörfd de Kreditaatrag im Iiwohnerrot umstrite si und zu einige Diskussione Aalass geh. Ob bi ere Ablehnig s ganz Jubiläumsjohr oder s 10-tägig Fäscht gstriche würdi oder allefalls redimensioniird, das zeigd sich wohl erscht, wenns so wit würd cho. ASber no dörfed alli Fäschtbegeischterti uf es „Ja“ vom iiwohnerrot hoffe.