De FC blibd Tabelleführer

Trotz eme Unentschide bim Uswärtsmatch z Eisidle, blibd Wettige vore. Dietike isch aber punktgliich.

Mit Spannig hend mir de erscht Match vom FC Wettige als Tabelleführer vo de Gruppe 5 vo de 2. Liga interregional z Eisidle erwartet. In de 19. Minute sind Wettiger durch es Tor vom Guelor Mukunayi mit 0:1 in Führig gange und wo de Kürsat Kiybar zeh Minute später uf 0:2 erhöht het, het me chönne denke, es gohd eso witer. Mit em 0:3 durch de Leiven Keller isch das zunächscht au de Fall gsi. Aber scho in de 40. Minute het Eisidle de Aaschlusstreffer chönne schüsse und in de Nachspiilziit vo de erschte Halbziit het s Heimteam mit em 2:3 de Aaschlusstreffer gschosse. In de zwöite Halbziit hend d Eisidler alles probiird, um de Usgliichsträffer erziilenz chönne und d Wettiger ihn z verhindere. Bis zum Ändi vo de reguläre Spiilzit isch das de Wettiger au glunge, aber in de 92. Minute hend si dann doch de Usgliichsträffer zum 3:3 kassiirt. D Wettiger hend damit numme ein Punkt chönne mit hei neh, blibd aber no vor em FC Dietike, wo punktgliich uf em 2. Tabelleplatz isch.

Am Sunntig, 21. Oktober 2018 spild de FC um Halbidrü im Alteburg gege de drittplaziirt NK Pajde und mir si gspanned, ob d Wettiger de erscht Tabelleplatz chönnd verteidige. D Unterstützig vo vilne Fans wär daderbi sicher hilfriich.