Hüt, Tsischtig, 28. Auguscht 2018 het de Spatestich für d ALTSTADT stattgfunde. So nennt sich s noi St. Bernhard im Langäcker.
Was Bade scho het, wird Wettige au bald ha, en Altstadt. De Name wird z Wettige aber mit ere ganz andere Bedütig gfüllt. Gmeind isch s Alterszentrum, wo vo de St. Bernhard AG im Langäcker baud wird. Bim hütige Spatestich het de Präsident vom Verwaltigsrot, de Rémy Picard betond, dass d ALTSTADT es noiartigs Pfläge- und Wohnmodell wird büte, aber au e Begegnigszone für d Bevölkerig wot si. Nöd numm alti Mönsche selle d ALTSTADT mit Läbe fülle. Us dem Grund isch au de Claim en noie: «… voller Läbe!»
Innerhalb vo guet zwöi Johr sell im Langäcker d ALTSTADT baud werde, mit eme Gebäud, wo us drü Baukörper mit 3 bis 5 Etage und eme Gebäudevolume vo 77’094 m2 bestoht. Es wird 123 Pflägzimmer, 45 Wohnige und es Restaurant mit öppe 130 Plätz für 160 Bewohnendi geh, wo 130 Mitarbeitende Arbet git. Bis dahin werded öppe 68 Millione Franke verbaud.
Bim Spatestich, bi dem au 4 Wettiger Gmeindröt sind aawesend gsi, het de Gmeindamme Roland Kuster allne Beteiligde vil Erfolg gwünschd und de Arbeiter en uufallfreie Bau.
Hiir es Video vom Spatestich: