Am Fritig, 19. Dezember 2015 het en unbekannte Maa d Postfiliale z Wettige überfalle. D Polizei suecht Augezüüge.
Es isch churz vor de Halbisibni am Abe gsi, wo en vermummte Maa d Postfiliale a de Bahnhofstross beträte het. Er het Geld gfordered und di Aagstellte mit ere Fustfüürwaffe bedroht. Di hend ihm Bargeld geh und de Täter isch dann z Fuess uf de Bahnhofstross Richtig Bahnhof gflüchtet.
Mehreri Polizeipatrouille hend d Fahndig ufgnoh, de Maa het gliichwohl chönne flüchte.
De Täter wird als schlank und zwüsche 180 und 190 cm gross beschriebe. Zur Tatzeit het er e schwarzi Hose, e schwarzi Jacke und e gel-grüeni Lüchtweste und isch maskiert gsi. Zudem her er e schwarzi Sporttäsche debi gha.
D Polizei suecht Augezüüge, wo Aagabe zum Überfall chönd mache.
Kriminalpolizei (Tel.: 062 835 81 81, E-Mail: strukturdelikte.kripo@kapo.ag.ch) oder bi jedem andere Polizeiposte.