Im Rahme vom UEFA Women’s Euro 2025 Legacy-Projekt het de Kanton Aargau grad zwöi mobili Kunschtraseplätz, parat gmacht und i Betriib gno. Eine devo isch z Wettige.
Di beide mobile Kunstrasenplätz. wo de Kanton Aargau het, sind 22 uf 44 Meter gross und stönd hüt z Ännetwettige (bim Schuelhuus Rütihof) und z Wettinge (bim Schuelhuus Margeläcker). Si sind vor allem dezue da, zum im Winter meh Trainingsmöglichkeite z schaffe, wänn die natürleche Rase gschperrt sind.
S Hauptziel vo dem Projekt isch, de Platzmangel im Sportberich längerfristig z verbessere. Di mobile Plätz sölled nämli i de nöchschte Jahr im ganze Kanton ufgstellt werde. So chönd möglichst vili Gmeinde und Verein die neui Lösig teste. Me hofft, dass au chliineri Gmeinde s Geld i d Hand nämmed und sälber so e mobile Platz chaufed.
De Aargauer Fuessballverband (AFV) organisiert de Betriib und vergibt d Plätz. De AFV isch z friede und said, dass d Lösig bsunders de Jugend zuguet chunt. Me cha d Plätz ganz eifach uf en harte und ebene Untergrund, wie z.B. en Schuelhuus-Hartplatz, verlege. Wichtig isch, dass es en Entwässerig und Liecht het. De Kunschtrase blibt übrigens allei dur si Eigegwicht ligge.
Z Ännetwettige und z Wettinge gnüssed scho vili Teams die temporäri Infrastruktur. Das isch guet, wil gliichzitig d Turnhalle entlaschtet – es witers wichtigs Ziel vo dem Projekt. D Gmeinde chönd d Plätz vom Kanton gratis bezieh, müend sich aber a de Chöschte für de Transport und de Uf- und Abbau beteilige. De AFV wird im Früehlig 2026 witeri Detail veröffetliche, wie me sich für die Plätz bewerbe cha.